Mannauður

Hjá okkur starfar úrvalshópur fólks með fjölbreyttan bakgrunn og menntun sem vinnur að áhugaverðum verkefnum sem lúta að uppbyggingu, þróun og rekstri raforkukerfisins. Við bjóðum upp á faglegt umhverfi með stórum hópi sérfræðinga og fyrirmyndaraðstöðu. Við leggjum áherslu á þjálfun og þróun starfsfólks og teljum að jafnvægi milli vinnu og einkalífs skipti miklu máli.

Teymi starfsfólks eru stofnuð um lykilmál eins og jafnrétti, starfskjör og fræðslu. Vinnustaðagreiningar og regluleg púlssamtöl veita innsýn í líðan, frammistöðu og skýrleika hlutverka. Mannauðsteymið ræðir við nýliða og fylgir eftir móttöku og inngildingu. Öllu starfsfólki sem fer frá fyrirtækinu að eigin frumkvæði býðst starfslokasamtal til að greina ástæður starfsloka og tækifæri til umbóta.

Við vinnum markvisst að bættum samskiptum og upplýsingaflæði, m.a. með reglulegum fundum og innleiðingu nýs samskiptamódels sem ætlað er að tryggja upplýsingaflæði, byggja upp traust og auka helgun starfsfólks.

Fyrirtækið leggur ríka áherslu á virkt samtal við hagsmunaaðila og aðlögun að þeirra sjónarmiðum og gengur í mörgum tilfellum lengra en lágmarkskröfur um samráð segir til um.

Mikilvægisgreining var gerð 2023 þar sem metin voru áhrif, áhættur og tækifæri í mannauði. Helstu niðurstöður voru eftirfarandi:

Fyrirtækið leggur áherslu á að skapa vinnuumhverfi þar sem starfsfólki líður vel, óháð kyni, aldri, starfsaldri eða uppruna. Til að tryggja að þetta markmið náist, er lögð áhersla á reglulegar og fjölbreyttar samskiptaleiðir við starfsfólk, ásamt stöðugum umbótum byggðum á niðurstöðum kannana, samtala og ábendinga.

Teymi hjá Landsneti vinnur nú að umbótaverkefni sem hefur það markmið að móta og innleiða samskiptaáætlun sem eykur samræmi og skilvirkni í upplýsingaflæði.

Við leggjum mikla áherslu á að tryggja öryggi starfsfólks, þar sem slys á vinnustað hafa bæði félagsleg og fjárhagsleg áhrif. Markmið okkar er að engin vinnuslys verði og áætlun okkar felur í sér öryggisstefnu, reglulegar öryggisúttektir, öryggisþjálfun og notkun tæknilausna. Við mælum árangur með því að fylgjast með fjölda öryggisfrávika, vinnuslysa og þátttöku í öryggisnámskeiðum.

Á síðasta ári varð eitt fjarveruslys sem leiddi til 29 daga fjarveru. Atvikið flokkast ekki sem alvarlegt, þar sem starfsmaðurinn náði sér að fullu. Þátttaka í öryggisnámskeiðum voru 1.232 klst árið 2024 fyrir starfsmenn fyrirtækisins.

Neðangreindir mælikvarðar veita innsýn í umfang og samsetningu starfshópsins, þróun milli ára og starfsmannaveltu, auk annarra þátta sem hafa áhrif á starfsumhverfi og mannauðsstjórnun.

Hjá fyrirtækinu starfa verktakar við ýmis störf, bæði sérfræðistörf og iðnaðarstörf.

Mikil flóra verktaka starfar með okkur á hverjum tíma bæði við sérfræðistörf og iðnaðarstörf. Hjá okkur starfa verktakar sem alla jafna sinna sérfræðistörfum í nánu samstarfi við okkar starfsfólk við uppbyggingu og rekstur flutningskerfisins.

Utanaðkomandi verktakar sem koma að starfseminni eru ráðnir á grundvelli sérfræðiþekkingar og sérhæfingar þeirra. Í grunninn gilda sömu reglur og kröfur til hæfni og þekkingu og eiga við um okkar starfsfólk. Sömu viðmið gilda fyrir verktaka og okkar eigið fólk þegar kemur að aðbúnaði, hollustuháttum og öryggisreglum í takt við eðli þeirra verkefna sem verktakar sinna.

Hjá okkur eru verktakar sem koma inn tímabundið í sérhæfð verkefni við uppbyggingu og framtíðarhönnun flutningskerfisins. Hjá okkur eru einnig rekstrarverktakar sem koma inn sem stuðningur við okkar starfsfólk í rekstrar- og viðhaldsverkefnum og síðast en ekki síst, starfa með okkur verktakar og verktakafyrirtæki sem bjóða í nýframkvæmdir. Þau verkefni eru boðin út bæði hér heima og á Evrópska Efnahagssvæðinu. Verktakafyrirtæki sem vinna við nýframkvæmdir starfa samkvæmt sínu eigin stjórnunarkerfi en gangast undir ferla og stýringar sem fyrirtækið setur fram og tengjast áhættumati starfa, siðareglum og öryggisreglum.

Fyrirtækið fylgir lögum um kjarasamninga og tryggir að allt starfsfólk njóti þeirra réttinda og hlunninda sem samningarnir kveða á um. Án undantekninga heyrir allt starfsfólk okkar undir kjarasamninga sem tryggir öll lagaleg réttindi svo sem launakjör, veikindarétt, fæðingarorlof, uppsagnarákvæði og önnur skyld réttindi. Starfsfólk okkar nýtur mismunandi kjara eftir því hvort það er fastráðið eða lausráðið, en í öllum tilfellum eru réttindi þess tryggð samkvæmt þeim kjarasamningi sem það tilheyrir.

Við virðum lög og reglur á vinnumarkaði. Með því að fylgja kjarasamningum í einu og öllu stuðlum við að traustu og sanngjörnu vinnuumhverfi þar sem jafnræði og virðing fyrir starfsfólki eru í forgrunni.

Niðurstöður launagreininga 2024 sýna að óútskýrður launamunur er enginn og frávik teljast óveruleg eða 0,3% konum í vil.

Markmið okkar er að byggja upp og viðhalda teymi hæfs starfsfólks sem styður við hlutverk og starfsemi fyrirtækisins. Við leggjum áherslu á að greiða samkeppnishæf laun en að vera þó ekki leiðandi á markaði. Til að tryggja þetta tökum við þátt í árlegum launagreiningum og fáum upplýsingar um laun á markaði. Við styðjumst við vottað jafnlaunkerfi þar sem gerð er krafa um að við greiðum jöfn laun fyrir sömu eða jafnverðmæt störf óháð kyni eða öðrum þáttum. Jafnlaunakerfið er tekið út að minnsta kosti einu sinni á ári. Einnig höfum við sett sér starfskjara- og jafnlaunastefnu sem hægt er að kynna sér á heimasíðu fyrirtækisins.

Við fylgjum í hvívetna gildandi kjarasamningum á vinnumarkaði sem og vinnulöggjöf þeirri sem er í gildi hverju sinni. Fyrirtækið leggur ríka áherslu á að tryggja réttindi starfsmanna í samræmi við lög og reglur. Þetta nær til allra þátta sem snúa að réttindum og skyldum á vinnustað, þar með talið veikindaréttar, uppsagnarákvæða, réttinda vegna slysa, fæðingarorlofs og starfsloka vegna aldurs.

Við tökum alvarlega réttindi fatlaðs fólks og virðum alþjóðlega samninga um réttindi þeirra (UNCRPD). Fötlun er almennt skilgreind samkvæmt þessum stöðlum og nær yfir líkamlega, andlega og skynræna fötlun, auk langvarandi veikinda eða heilsufarsástands sem takmarka þátttöku einstaklings í samfélaginu.

Við tryggjum að ekki séu safnað heilsufarsupplýsingum eða upplýsingum um fötlun starfsfólks, þar sem þær teljast viðkvæm persónugögn. Viðurkennd er þó að sýnileg fötlun eins og hreyfihömlun eða skynræn fötlun hafi ekki áhrif á ráðningu innan fyrirtækisins, þar sem starfsumhverfi er viðeigandi og getur tekið á móti hreyfihömluðum einstaklingum.

Hjá Landsneti leggjum við mikla áherslu á menntun og þjálfun starfsfólks, sem er lykillinn að árangri og framtíðarsýn okkar. Við viljum skapa umhverfi sem stuðlar að nýsköpun, starfsþróun og faglegum vexti, sem styrkir ekki einungis starfsemi okkar heldur einnig íslenskt atvinnulíf. Markmiðið er að tryggja öfluga þekkingarsköpun, auka traust og efla samfélagslega ábyrgð.

Við leggjum áherslu á að fyllsta öryggis sé gætt í allri starfsemi fyrirtækisins. Við höfum innleitt stefnu í öryggismálum og settar hafa verið reglur sem stuðla að öruggu og heilsusamlegu vinnuumhverfi.

Við erum vottuð samkvæmt ISO 45001 staðlinum sem er kröfulýsing á sviði öryggis- og vinnuverndarmála. Áhersla er á reglubundna þjálfun, úttektir og áhættugreiningar með það að markmiði að tryggja að öryggis- umhverfis- og vinnuverndarmál séu órjúfanlegur þáttur af starfseminni, hvort sem það er við störf okkar fólks við framkvæmdir og viðhald eða ákvarðanatöku við fjárfestingar, val á verktökum eða kaup á vöru og þjónustu vegna starfseminnar. Sömu kröfur eru gerðar til allra okkar verktaka og þjónustuaðila.

Málaflokkurinn nær til alls starfsfólks og gerðar eru kröfur um reglubundnar heilsufarsskoðanir, annars vegar árlega fyrir starfsfólk sem starfar úti á mörkinni við viðhaldsstörf en á tveggja ára fresti fyrir sérfræðinga. Að sama skapi er reglubundin öryggisþjálfun fyrir allt starfsfólk, en sértækari námskeið fyrir starfsfólk sem starfar við viðhaldsstörf.

Markmið fyrirtækisins í öryggismálum er að ekkert slys verði í starfseminni. Samhliða því leggjum við mikla áherslu á að öll frávik séu tilkynnt og skráð með það að markmiði að draga af þeim lærdóm og innleiða nauðsynlegar umbætur þannig að við fyrirbyggjum að sambærilegt atvik gerist aftur. Á síðasta ári varð eitt fjarveruslys sem leiddi til 29 daga fjarveru.

Við erum í samstarfi við önnur orkufyrirtæki landsins og sambærileg innviðafyrirtæki á Norðurlöndum um öryggismál sem nýtist okkur til að tryggja bestu viðmið og góða starfshætti hverju sinni.

Við höfum verið á neyðar- eða hættustigi nær allt árið vegna ástandsins á Reykjanesskaga og válegra veðurspáa. Hlutverk okkar í þessu ástandi er að vinna náið með Almannavörnum þegar hætta steðjar að raforkukerfum landsins. Samkvæmt raforkulögum er hlutverk fyrirtækisins einnig að samræma neyðarviðbrögð annarra raforkufyrirtækja, tryggja að þau falli að viðurkenndu verklagi og hafi skilvirkt samstarf við Almannavarnarkerfið. Varnir og viðbrögð hafa gengið vel og án áfalla, sem vitnar um vandað og árangursríkt samstarf.

Þjálfun starfsfólks í öryggismálum tekur mið af þeim áhættuþáttum sem starfsfólk er útsett fyrir hverju sinni. Áherslur í þjálfun taka mið af áhættum í framkvæmdum og rekstrarverkum.

Fyrirtækið leggur áherslu á að stuðla að jafnvægi milli vinnu og einkalífs starfsfólks. Slíkt er lykilþáttur í vellíðan þess og árangri fyrirtækisins. Við stuðlum að þessu jafnvægi með því að bjóða upp á sveigjanleika í starfi þar sem því verður við komið. Þetta felur meðal annars í sér sveigjanlegan vinnutíma sem gerir starfsfólki kleift að aðlaga vinnudaga að persónulegum þörfum, fjarvinnu í samræmi við viðverustefnu fyrirtækisins og vinnutímastyttingu sem hvatt er til að nýta sér samkvæmt kjarasamningum.

Við hvetjum einnig starfsfólk til að taka sumarfrí og fæðingarorlof þegar það á við, þar sem þetta er lykilþáttur í því að viðhalda jafnvægi og vellíðan. Til að fylgjast með jafnvægi milli vinnu og einkalífs fylgjumst við náið með reglulegum mælingum og greiningu gagna úr viðverukerfi fyrirtækisins. Í kerfinu er skráð og skoðað hlutfall starfsfólks sem nýtir sér vinnutímastyttingu, hlutfall starfsfólks sem vinnur að hluta til í fjarvinnu, fjöldi og hlutfall starfsfólks sem tekur sumarfrí og orlof og nýtingu fæðingarorlofs meðal starfsfólks.

Þessi gögn eru reglulega rýnd og notuð til að meta hvort starfsfólk hafi aðgengi að úrræðum sem styðja við jafnvægi milli vinnu og einkalífs. Ef þörf krefur, eru úrbætur framkvæmdar til að bæta vinnuumhverfi og tryggja að starfsfólk geti náð fullu jafnvægi milli vinnu og einkalífs.

Jafnlaunastefna fyrirtækisins nær til alls starfsfólks og er órjúfanlegur hluti af Mannauðs- og Starfskjarastefnu fyrirtækisins ásamt Jafnréttisstefnu.

Við höfum virkt jafnlaunakerfi sem tekið er út einu sinni á ári.

Launagreining er sömuleiðis framkvæmd árlega til að tryggja að laun séu sanngjörn og jöfn. Niðurstöður launagreininga fyrir árið 2024 sýna að óútskýrður launamunur er enginn, og frávik telst óverulegt, eða 0,3% konum í vil.

Engin slík atvik voru tilkynnt árið 2024